Канкурэнты мінскага "Дынама" адмовіліся выйсці на трэніроўку
Футбалісты румынскага "Клужа" адмовіліся выходзіць на сённяшнюю трэніроўку. Прычынай сталі запазычанасці па заробках.
Гульцы заявілі, што байкот заняткаў будзе працягвацца да таго часу, пакуль не будуць выкананыя іх патрабаванні, піша by.tribuna.com. Паведамляецца, што футбалісты не атрымлівалі заробкі са снежня 2013 года.
Нагадаем, "Клуж" з'яўляецца сапернікам мінскага "Дынама" ў Лізе Еўропы. Матч у адказ 3-га кваліфікацыйнага раўнда адбудзецца ў Румыніі 7 жніўня. Пачатак у 20.30 паводле беларускага часу.
Фота — canal3.md
