Канстытуцыя “пад Лукашэнку” 2.0: чарговая спроба “абнуліцца”?

Улады ўсё ж стрымалі даўняе абяцанне і распрацавалі праект новай Канстытуцыі. І нібыта гатовыя вынесці яго зацверджанне на ўсенародны рэферэндум. А тая “зачыстка” грамадзянскай супольнасці і СМІ, што адбываецца цяпер, выглядае як падрыхтоўка да будучага рэферэндуму.

Што з сябе ўяўляе праект новай Канстытуцыі і навошта патрэбнае гэтае “абнаўленне”? Ці рызыкнуць улады правесці рэферэндум і як ён можа выглядаць? Што гэта: план адыходу, умацаванне ўлады і спроба “абнуліць” тэрміны, як гэта Лукашэнка ўжо рабіў у 1996 годзе? Пра гэта ды шмат што іншае гаворым з  кіраўніком аналітычнага праекта Belarus Security Blog Андрэем Паротнікавым.