Каранавірус у Крычаве выявілі ў жанчыны, якая ездзіла ў Віцебск

У Крычаве зарэгістраваны першы ў Магілёўскай вобласці выпадак заражэння каранавірусам. Як перадае тэлерадыёкампанія "Магілёў", заражэнне выяўлена ў 33-гадовай жанчыны, якая перад тым ездзіла ў камандзіроўку ў Віцебск. 

Галоўны пазаштатны інфекцыяніст галоўнага ўпраўлення па ахове здароўя Магілёўскага аблвыканкама Ірына Бас паведаміла, што жанчыну цалкам абследавалі і шапіталізавалі ў Магілёўскую інфекцыйную лякарню. 

Таксама медыкі праверылі ўсіх кантактных асобаў. Тэсты на каранавірус у іх паказалі адмоўныя вынікі. 

У Крычаве, па словах Ірыны Бас, цяпер праводзяцца неабходныя супрацьэпідэмічныя мерапрыемствы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.