Каранцін у школе: ці трэба ўводзіць і як вучыць дыстанцыйна?
Уводзіць каранцін у школах і ВНУ пакуль не плануецца. Міністэрства аховы здароўя з такой ініцыятывай не выступае (нават наадварот), а Мінадукацыі на такой меры не настойвае (прынамсі, публічна). Праўда, ужо гучаць заявы з боку асобных бацькоў, што яны дзяцей у школу адпраўляць не будуць.
Трэба ўводзіць каранцін у навучальных установах ці ўжо позна? Ці могуць школы ці ВНУ самастойна прыняць такое рашэнне? У выпадку каранціну ці ёсць у настаўнікаў і выкладчыкаў магчымасць працягваць вучыць школьнікаў і студэнтаў дыстанцыйна?
На гэтыя ды іншыя пытанні ў жывым эфіры Еўрарадыё адказваюць старшыня Таварыства беларускай школы Тамара Мацкевіч і галоўны рэдактар Еўрарадыё Павел Свярдлоў.
