Карціну "Пакажы мне Манэ" Бэнксі прадалі амаль за 10 млн долараў
Карціну "Пакажы мне Манэ" вулічнага мастака Бэнксі прадалі амаль за 10 млн долараў (за 7,5 млн фунтаў стэрлінгаў). Пра гэта паведамляе ў Twitter аукцыённы дом Sothebyʼs.
Выніковы кошт амаль удвая большы за папярэдні. Раней карціны Бэнксі прадаваліся і за большыя сумы. Напрыклад, летась за "Devolved Parliament" заплацілі $12,2 млн.
"Пакажы мне Манэ" — гэта адсылка да працы французскага імпрэсіяніста Клода Манэ "Японскі масток (Сажалка з вадзянымі лілеямі)". На карціне Бэнксі ў сажалку скінутыя каляскі з супермаркета і дарожны конус.
#AuctionUpdateBanksy’s ‘Show me the Monet’, a mischievous twist on Claude Monet’s masterpiece, soars past its estimate to bring £7,551,600 / $9,814,353 after an 8 minute bidding battle. pic.twitter.com/OoMtjYYhJB
— Sotheby's (@Sothebys) October 21, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
