Кір Стармер падаў у адстаўку з пасады прэм'ер-міністра Вялікабрытаніі

Кір Стармер абвясціў, што пакідае пасаду прэм'ер-міністра Вялікабрытаніі. Цяпер урад краіны можа ўзначаліць Эндзі Бёрнем. Гэта былы мэр Вялікага Манчэстэра, які на мінулым тыдні атрымаў пераканаўчую перамогу на пазачарговых выбарах дэпутата парламента ад акругі Мейкерфілд на паўночным захадзе Англіі, перадае Бі-Бі-Сі.

Стармер пратрымаўся на чале ўрада амаль два вельмі няпростыя гады — з 5 ліпеня 2024-га.

У Лейбарысцкай партыі спадзяюцца з дапамогай Бёрнема пераадолець рост папулярнасці правапапулісцкай партыі Reform UK Найджэла Фараджа, якая цяпер з'яўляецца самай папулярнай палітычнай сілай у краіне.

Стармер пакідае пасаду пасля травеньскіх мясцовых выбараў, на якіх адчувальныя страты зазналі як кіруючыя лейбарысты, так і кансерватары. Значную частку галасоў на гэтых выбарах атрымалі партыі Reform UK і Партыя Зялёных.