Колькасць затрыманых на акцыях пратэсту ў Расіі вырасла да 1320

Вынікам учорашніх пратэстных акцый у Расіі стала затрыманне больш за 1320 чалавек, паведамляюць расійскія праваабаронцы. Затрыманыя ёсць у 39 гарадах краіны. Больш за ўсё — як мінімум 541 чалавек  — былі дастаўленыя ў міліцыю ў Маскве.

У Санкт-Пецярбургу затрыманыя па меншай меры 479 чалавек. Яшчэ 48  — у Екацярынбургу, каля 30 чалавек — у Пярмі.

Людзі выйшлі пратэставаць супраць мабілізацыі на вайну ва Украіне. Напярэдадні  — на фоне няўдач расійскага войска — прэзідэнт РФ Уладзімір Пуцін абвясціў частковую мабілізацыю. Прызваць плануецца каля 300 тысяч чалавек — тых, хто служыў, маюць ваенна-ўліковую спецыяльнасць і баявы вопыт.