Лукашэнка даручыў разабрацца з заробкамі ў ХК "Дынама-Мінск"
У чацвер кіраўнік дзяржавы прыняў з дакладам міністра ўнутраных спраў Ігара Шуневіча.
Гаворка ішла пра рэфармаванне сістэмы органаў унутраных спраў, пра павелічэнне колькасці бытавых забойстваў. Таксама Аляксандр Лукашэнка і Ігар Шуневіч абмеркавалі "пытанні спартыўнай тэматыкі".
Як інфармуе прэс-служба кіраўніка дзяржавы, перад міністрам унутраных спраў пастаўленая задача навядзення парадку ў фінансавай дзейнасці хакейнага клуба "Дынама-Мінск". У цэнтры ўвагі — "заробкі ўдзельнікаў". Лукашэнка пагаварыў з міністрам і пра "перспектывы развіцця хакейнага клуба".
Як вядома, Шуневіч уваходзіць у склад назіральнага савета клуба.
Фота — ria.ru
