Лукашэнка гаварыў пра спайс: З-за дурасці імкліва губляем маладое жыццё

У Беларусі трэба тэрмінова вырашыць праблему спайсаў і выкарыстаць для гэтага ўсе магчымасці. Пра гэта 20 студзеня заявіў Аляксандр Лукашэнка, выступаючы на 42-м з'ездзе Беларускага рэспубліканскага саюзу моладзі.

"Штодня медыкі вяртаюць да жыцця маладых, юных грамадзян, якія атруціліся так званымі спайсамі і іншай заразай, — цытуе словы Лукашэнкі БЕЛТА. — І гэта самае страшнае, што адбываецца ў маладзёжным асяроддзі. Страшней няма куды, калі мы з-за дурасці імкліва губляем маладое жыццё. Гэта на самай справе нагода прызадумацца пра нашу будучыню. І вырашыць гэтую праблему трэба ўсім светам праз актыўны лад жыцця, праз спорт. Любымі лёсамі гэтую праблему трэба вырашыць!".

Паводле слоў Лукашэнкі, трэба выкарыстаць усе магчымасці, каб вывесці падлеткаў і моладзь з вуліц і загрузіць іх карыснымі справамі, "каб не было вольнай хвіліны думаць пра гэтую атруту". І заняцца гэтым мусіць і БРСМ.

"І кадры, і студатрады, і праекты, і тэхналогіі, і пасады, і званні, пра якія мы толькі што разважалі, — усё гэта будзе, калі ў нас будзе здаровая ва ўсіх сэнсах гэтага паняцця моладзь. Бо здаровая моладзь — гэта аснова дабрабыту грамадства не толькі сёння, але перш за ўсё заўтра. Чалавек тады будзе паспяховым, калі ён будзе весці ў поўным сэнсе гэтага слова здаровы лад жыцця", — падкрэсліў Лукашэнка.

Фота: sb.by, БЕЛТА