Лукашэнка лічыць замежныя крэдыты пад 7-8% занадта дарагімі
Аляксандр Лукашэнка лічыць недапушчальным браць міждзяржаўныя крэдыты пад 7-8%. Пра гэта ён заявіў сёння падчас сустрэчы з міністрам фінансаў Уладзімірам Амарыным.
“Калі гэта камерцыйны крэдыт — іншая справа, 7-8% гэта нармальна. Але браць золатавалютныя рэзервы, такія грошы дарагія, я лічу непрымальным”, — сказаў кіраўнік дзяржавы.
Таксама Лукашэнка адзначыў, што неабходна не нарошчваць знешні дзярждоўг і запатрабаваў яго аптымізаваць.
Лукашэнка падкрэсліў, што ў першую чаргу варта мінімізаваць працэнты па знешніх крэдытах, якія Беларусь возьме ў будучым годзе. Аптымізацыю трэба накіраваць на пошук унутраных крыніцаў, перадае БЕЛТА.
Фота: sharij.net
