Лукашэнка распавёў пра кепскіх і добрых нацыяналістаў
А таксама паведаміў, што стараецца трымаць нацыяналістаў на прывязі.
На семінары са студэнтамі, выкладчыкамі і выпускнікамі педуніверсітэта імя Максіма Танка Аляксандр Лукашэнка закрануў моўнае пытанне. Ён адзначыў, што выкарыстанне ў зносінах той ці іншай мовы не павінна быць прычынай раз'яднання ў грамадстве.
"Я ненавіджу нацыяналістаў, таму што гэта радыкальныя людзі, якія абавязкова, як ва Украіне, прывядуць да катастрофы ў грамадстве. Я іх неяк спрабую трымаць на прывязі, каб яны не сарваліся і не наламалі дроў", — перадае БЕЛТА словы беларускага кіраўніка. Лукашэнка адзначыў, што нацыяналісты перастварылі моўнае пытанне ў прычыну раздраю.
Пры гэтым Лукашэнка адзначыў, што гаворка не ідзе пра нацыяналістаў у добрым сэнсе слова, якія любяць Беларусь і сваю родную мову.
Фота — svaboda.org
