13 чэрвеня Лукашэнка ляціць у Кыргызстан
Аляксандр Лукашэнка 13-14 чэрвеня зробіць рабочы візіт у Кыргызскую Рэспубліку. Кіраўнік Беларусі возьме ўдзел у пасяджэнні Рады кіраўнікоў дзяржаў Шанхайскай арганізацыі супрацоўніцтва. Беларусь мае ў арганізацыі статус дзяржавы-назіральніка.
Выступ Лукашэнкі запланаваны падчас пасяджэння Рады ў пашыраным складзе. Кіраўнік Беларусі акрэсліць пазіцыю нашай краіны па міжнароднай тэматыцы і далейшым развіцці супрацоўніцтва ў рамках ШАС, паведамляе прэс-служба кіраўніка дзяржавы.
