Месі: "Калі ў цябе з галавой штосьці не ў парадку, то не слухаюцца ногі"
Футбольная зборная Бразіліі разграміла каманду Аргентыны — 3:0. Гэта быў матч кваліфікацыі чэмпіянату свету 2018 года. Галы на рахунку Куціньё (25-я хвіліна), Неймара (46-я) і Паўліньё (58-я). Пасля гэтага паражэння Ліянэль Месі звярнуўся да калег па зборнай Аргентыны і заклікаў іх змяніць вобраз мыслення. "Калі ў цябе з галавой штосьці не ў парадку, то не слухаюцца ногі", — сказаў ён.
Дзякуючы перамозе, Бразілія набрала 24 ачкі і вярнула сабе лідарства ў групе. Уругвай мае 23 ачкі і займае другое месца. Зборная Аргентыны з 16 ачкамі займае 6-е месца ў турнірнай табліцы турніра Паўднёвай Амерыкі.
