Мінскі гандбольны клуб "Дынама" можа ліквідавацца
Пра гэта заявіў спартыўны дырэктар клуба Андрэй Парашчанка.
У інтэрв'ю журналісту газеты "Прессбол" ён паведаміў, што клуб перажывае фінансавыя цяжкасці. Па словах Парашчанкі, "Дынама" мае запазычанасці па заробках за студзень і люты. Пытанне пра далейшае існаванне каманды хутчэй за ўсё вырашыцца ў сераду 26 лютага.
Калі на тыдні не будзе пазітыўных зменаў, 1 сакавіка "Дынама" выйдзе з чэмпіянату краіны і пачнецца ліквідацыя клуба.
