Мужчына лез да сваёй былой і захрас у акне
У Брэсце 19 жніўня мужчына захрас у акне кватэры на першым паверсе шматкватэрнага жылога дома па вуліцы Гогаля.
Як паведамляе БелаПАН, інфармацыя пра гэта паступіла ўвечары з Ленінскага РАУС Брэста. На месцы здарэння выратавальнікі з дапамогай падручных сродкаў дасталі мужчыну з аконнага блока.
31-гадовага непрацуючага брэстаўчаніна перадалі медыкам і даставілі ў Брэсцкую цэнтральную гарадскую бальніцу.
Па словах мужчыны, праз акно, адчыненае на праветрыванне, ён спрабаваў трапіць у кватэру сваёй былой сяброўкі.
