На Беларускім металургічным заводзе адбылася ўспышка каранавіруса
На Беларускім металургічным заводзе ў Жлобіне адбылася ўспышка каранавіруса. Пацверджаны дыягназ COVID-19 маюць больш за 300 чалавек (на 3 лютага). На прадпрыемстве кажуць, што гэта толькі 2,5% ад агульнай колькасці работнікаў.
Начальнік медыка-санітарнай часткі БМЗ Святлана Зак кажа, што напружанымі былі ўжо апошнія дні студзеня, а ў пачатку лютага сітуацыя не палепшылася: "Фіксуем ўсплёск захворвання COVID-19 і вострых рэспіраторных захворванняў".
Работнікі прадпрыемства могуць заставацца дома без бальнічнага на адзін, два ці тры дні з захаваннем 80% заробку. У "сацыяльны адпачынак" адпускае непасрэдны кіраўнік.
