На мяжу з Літвой прыбылі танкі і БТРы — "Беларускі Гаюн"
Беларуская вайсковая тэхніка / Еўрарадыё, ілюстрацыйнае фота
Уначы 6 красавіка на чыгуначную станцыю Гудагай, што за 9 км ад мяжы з Літвой, прыбыла вайсковая тэхніка, паведамляе маніторынгавая група "Беларускі Гаюн".
Паводле яе звестак, у складзе эшалона было не менш за 20 адзінак вайсковай тэхнікі, у тым ліку не менш за 10-15 танкаў Т-72Б/Б3, а таксама БТРы, БМП і МТ-ЛБ.
У "Беларускім Гаюне" мяркуюць, што ў Гудагай перапраўлены эшалон з тэхнікай 120-й брыгады, якая дыслакуецца ў мінскім мікрараёне Уручча.
