Нацбанк зняў абмежаванні па сумах здзелак на пазабіржавым валютным рынку
Пастанова праўлення Нацыянальнага банка пачне дзейнічаць з суботы, 23 траўня.
Нацыянальны банк Беларусі зняў абмежаванні па сумах здзелак на пазабіржавым валютным рынку краіны. Пастанова праўлення Нацбанка была прынятая ўчора, яна пачне дзейнічаць з суботы, 23 траўня.
Як адзначае прэс-служба Нацбанка, у адпаведнасці з дакументам, нарматыўны прававы акт, які ўстанаўліваў абмежаванні па сумах здзелак пакупкі, продажу валюты, што здзяйсняюцца банкамі і кліентамі на пазабіржавым валютным рынку, страчвае сілу. З заўтрашняга дня абмежаванняў не будзе.
Адзначаецца, што рашэнне кіраўніцтва Нацбанка накіравана на ўдасканаленне працы ўнутранага валютнага рынку і з мэтай пераходу да біржавых таргоў у рэжыме неперапыннага двайнога аўкцыёну на Беларускай валютна-фондавай біржы.
Фота: sb.by