Над мінскай вуліцай з'явілася 140 рознакаляровых парасонаў (фота)

Над Камсамольскай вуліцай у Мінску ўначы з'явілася 140 рознакаляровых парасонаў. Праект рэалізавала кампанія velcom | A1, якая неафіцыйна назвала абноўлены ўчастак "пешаходкі" "Камфортная алея" (памеры канструкцыі — 32 метры ў даўжыню і амаль 6 метраў у шырыню). Мяркуецца, што парасоны змогуць візуальна ажывіць вуліцу і зрабіць яе камфортнай для адпачынку: і ў вельмі сонечныя дні, і ў дажджлівыя. А як вядома, Камсамольская вуліца рэгулярна пакутуе ад падтапленняў.