"Наша Ніва": у пятым пакеце санкцый 5 банкаў, "Белтэлекам" і дрэваапрацоўка
Пяты пакет эканамічных санкцый Еўрасаюза абмяркоўваецца на міжнародных кансультацыях. Паводле інфармацыі "Нашай Нівы", у ім плануецца ўвесці санкцыі супраць пяці банкаў — Беларусбанка, Дабрабыта, Белінвестбанка, Белаграпрамбанка і Банка развіцця. Гэта будзе адказ на адмову рэжыму Аляксандра Лукашэнкі ісці на перамовы з грамадствам, працяг катаванняў і рэпрэсій, а таксама на арганізацыю міграцыйнага крызісу ў краінах-суседзях. Таксама абмяркоўваюцца санкцыі супраць "Белтэлекама" і дрэваапрацоўчай галіны.
Паведамляецца, што гэты пакет наўрад ці будзе прынятыя раней за канец кастрычніка. Пры гэтым крыніцы "Нашай Нівы" кажуць, што санкцыі могуць быць прынятыя адначасова Еўрасаюзам і Злучанымі Штатамі.
