Навошта беларусам “Акадэмія фэйскантролю”?

У Беларусі стартуе новы праект — “Акадэмія фэйскантролю”. У ёй людзей, якія сочаць за парадкам на ўваходах у рэстараны і начныя клубы, будуць вучыць пазбягаць скандалаў, якія могуць адмоўна паўплываць на імідж іх працадаўцаў.

Як сёння ў Беларусі арганізуецца фэйскантроль, хто ім займаецца, ці часта здараюцца канфлікты з кліентамі? Каго могуць не прапусціць у клуб, і ці можна даказаць, што ахоўнік не мае рацыі? Ці можна сапсаваць імідж месца жорсткім фэйскантролем? Чаму супрацоўнікі АМАП затрымліваюць на Зыбіцкай?

10 ліпеня на гэтыя і іншыя пытанні адказала госця жывога эфіру Еўрарадыё, заснавальніца “Акадэміі фэйскантролю” Аляксандра Пахненка.