Навошта Лукашэнка палохае крывавымі падзеямі ва Украіне і Андыжане?
Дзейны кіраўнік Беларусі і патэнцыйны кандыдат у прэзідэнты Аляксандр Лукашэнка вырашыў нагадаць як удзельнікам выбарчай кампаніі, так і ўсім грамадзянам Беларусі пра небяспеку, якая паўстала перад краінай. Маўляў, нас ужо цяпер на часткі разрываюць. А каб нагадаць лёс краін, якія гэтак жа “разрывалі на часткі”, прыгадаў падзеі ва Украіне, “падзеленую” Малдову, страчаныя тэрыторыі Грузіі і тое, як “былы прэзідэнт Карымаў задушыў путч, расстраляўшы тысячы чалавек”, а прэзідэнт “Рахмон з кулямётам наперавес уваходзіў у сталіцу Таджыкістана, каб навесці парадак”.
Пагрозу з якога боку ўбачыў кіраўнік Беларусі і ці сапраўды яна такая жахлівая? Ці можна лічыць гэтыя словы Лукашэнкі папярэджаннем тым, хто заклікае людзей да пратэстаў? Як гэтыя папярэджанні паўплываюць на выбарчую кампанію?
На гэтыя ды іншыя пытанні ў жывым эфіры Еўрарадыё адказвае палітычны аглядальнік Валерый Карбалевіч.
Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.
