Навукоўцы даследуюць стан лясоў каля БелАЭС
Лес каля Астравецкай АЭС / t.me/botanyby/
Беларускія навукоўцы даследуюць стан лясоў каля БелАЭС. Пра гэта паведамляе Інстытут эксперыментальнай батанікі НАН Беларусі. Яго спецыялісты на працягу 2024 года займаліся маніторынгам лясоў у Астравецкім раёне Гродзенскай вобласці (магчыма, і ў суседніх раёнах). Яны абследавалі "кампаненты хваёвых і яловых лясоў, прылеглых да паўночна-заходняй мяжы краіны".
Навукоўцы ўжо далі ацэнку стану лясоў, але іх высновы не паведамляюцца. А вось лабараторныя даследаванні яшчэ будуць праводзіцца. Для іх у раёне АЭС "адабралі ўзоры".
