Найлепшым бамбардзірам Еўра-2016 прызнаны французскі форвард Антуан Грызман
Французскі форвард Антуан Грызман прызнаны найлепшым бамбардзірам чэмпіяната Еўропы па футболе 2016 года. Ён атрымае адмысловы прыз “залатую бутсу”. Грызман згуляў на турніры 555 хвілін, забіў шэсць галоў і адзначыўся дзвюма выніковымі перадачамі.
“Срэбную бутсу” атрымлівае форвард зборнай Партугаліі Крышціану Раналду. На яго рахунку 625 адгуляных хвілінаў, тры галы і тры выніковыя перадачы.
Трэцяе месца па вініках чэмпіянату дастаецца гульцу зборнай Францыі Аліўе Жыру. Ён атрымае “бронзавую бутсу” за 456 адгуляных хвілін, тры галы і дзве выніковыя перадачы.
