“Нелегалы” супраць прадпрымальнікаў – як вырашыць канфлікт?

Садавіну і агародніну можна набыць не толькі ў краме ці на рынку, але і ў “вулічных гандляроў”. Іншая рэч, што гэтыя гандляры дзеляцца на дзве катэгорыі: тыя, хто працуе афіцыйна, сплачваючы ўсе падаткі дзяржаве за сваю прадпрымальніцкую дзейнасць, і так званыя нелегалы. І часам суседства легальных і нелегальных гандляроў садавіной і агароднінай даходзіць да канфлікту і супрацьстаяння. А ў іх у якасці інструмента выкарыстоўваюцца дзяржаўныя кантрольныя органы.

Чаму ўзнікаюць канфлікты паміж прадпрымальнікамі, якія легальна гандлююць на вуліцы садавіной і агароднінай, і так званымі нелегаламі? Чаму, рэагуючы на скаргі, чыноўнікі кантрольных органаў не рэагуюць на прысутнасць нелегальных гандляроў на вуліцы? Ці магчыма вырашыць канфлікт, каб і прадпрымальнікі, і пакупнікі не пацярпелі?

На гэтыя ды іншыя пытанні ў жывым эфіры Еўрарадыё адказвае кіраўнік рэспубліканскага грамадскага аб’яднання “Перспектыва” Анатоль Шумчанка.