Новы факультатыў "Школа юных абаронцаў Айчыны" з'явіцца ў вучняў 8-9-х класаў
Сёлета Міністэрства адукацыі ўвядзе ў школах новы факультатыў "Школа юных абаронцаў Айчыны". Пра гэта ў сваім выступе на жнівеньскім педагагічным форуме сталічных педагогаў распавяла першая намесніца міністра адукацыі Ірына Старавойтава, інфармуе агенцтва "Мінск-Навіны".
Выкладаць новы факультатыў будуць у восьмых-дзявятых класах. Навучальная праграма для яго ўжо распрацаваная.
Па словах чыноўніцы, на занятках дзяцей будуць знаёміць з прафесіямі "ў інтарэсах дзяржаўных органаў, якiя забяспечваюць нацыянальную бяспеку Рэспублікі Беларусь".
