Пад Смаргонню залева размыла некалькі метраў дарогі. У яму правалілася машына
Размытая дарога пад Смаргонню
Пад Смаргонню залева размыла некалькі метраў дарогі. Інцыдэнт адбыўся паміж вёскамі Лылойці і Завідзіненты недалёка ад возера Свір.
Раней пад дарогай праходзіла дажджавая труба. Але залева была настолькі моцнай, што вада падмыла зямлю вакол яе, і асфальт праваліўся. Цяпер там проста няма дарогі.
Уначы ў пастку патрапіў аўтамабіль. Кіроўца відавочна не чакаў, што дарога перад ім знікне, і не паспеў затармазіць.
У аварыі ніхто не пацярпеў.
