Пасажыры маршруткі ў Магілёве атрымалі траўмы пры сутыкненні з грузавіком
У Магілёве на вуліцы Чалюскінцаў пры сутыкненні з грузавіком перакулілася маршрутка, паведамляе тэлеканал АНТ.
Пры ДТЗ пасажыры атрымалі траўмы. Вядома, што на месцы інцыдэнту працавала хуткая.
Як удакладняе mogilevnews.by, ДТЗ адбылося на скрыжаванні пры выездзе ад будынка былога Ленінскага РАУС на вуліцу Чалюскінцаў. Маршрутка перакулілася непасрэдна на праезнай частцы.
