Пасля выступу пракурора дзяўчаты са смяротнай экстазі-вечарынкі заплакалі

Ірына Кузняцова папрасіла прызначыць маладым людзям тэрміны зняволення ад 2 да 3 гадоў, у тым ліку з адтэрміноўкай выканання пакарання, інфармуе партал tut.by. У жніўні мінулага года кампанія святкавала дзень нараджэння. Хлопцы і дзяўчаты скінуліся, купілі псіхатроп — экстазі. Прыняўшы наркотык, адна з дзяўчат, 19-гадовая студэнтка, памерла.

Антону (ён адзіны, хто сядзіць за кратамі) пракурор папрасіла прызначыць тры гады пазбаўлення волі ў калоніі агульнага рэжыму, Соф'і — два гады пазбаўлення волі і ўзяць яе пад варту ў зале суда. Фёдару, Кіры, Марыі, Кацярыне і Іллі пагражае да 2 гадоў пазбаўлення волі з адтэрміноўкай выканання пакарання.