Перад пратэстным маршам у Мінску заўважаныя сілавікі з сабакамі

6 снежня ў Беларусі — 120-ы дзень пратэстаў пасля выбараў і 18-я запар нядзеля, калі беларусы выходзяць на вуліцы. Запланаваны на сёння пратэстны марш у тэлеграме называюць Маршам волі.

Як і ў мінулую, і ў пазамінулую нядзелю, калі праходзілі Маршы раёнаў, сілавікі расставілі сваю тэхніку па мінскіх "спальніках". У горадзе заўважаныя "Рубяжы" — машыны для блакавання руху дэманстрантаў — і вадамёт — нягледзячы на тэмпетаруту "каля нуля". 

А з новага: на вуліцы Касманаўтаў у Малінаўцы ўздоўж аўтобусаў з сілавікамі прагульваецца патруль з сабакам.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.