Польскія нацыяналісты і манархісты: Што адбываецца ў Беларусі? (фота)
У Польшчы выйшла кніга пра сучасную Беларусь. Рэдактары партала konserwatyzm.pl вырашылі прадставіць свой погляд на нашу краіну.
Для гэтага яны распачалі навукова-даследчы праект з мэтай разглядзець розныя аспекты грамадска-палітычнага жыцця ў Беларусі ў XX і XXI стагоддзях. Колькасць сабраных артыкулаў і іх тэматыка зрабілі неабходным выданне адразу двух кнігаў. Першая з іх “Беларусь — што там адбываецца? Палітычная сітуацыя на мяжы XX і XXI стагоддзяў” пабачыла свет некалькі дзён таму.
