Пракурор папрасіў пакараць смерцю абвінавачанага ў забойстве трох прадаўшчыц
Суд Гродзенскай вобласці разглядае гучную справу аб забойствах з асаблівай жорсткасцю трох прадаўшчыц у Лідскім раёне ў 2013 і 2014 гадах (яны былі забітыя шматлікімі ўдарамі металічнай трубой і сякерай). Абвінавачаным у здзяйсненні забойстваў з'яўляецца жыхар Брэсцкай вобласці 28-гадовы Іван Кулеш, які раней ужо меў праблемы з законам. Пракурор папрасіў прызначыць смяротнае пакаранне, інфармуе Sputnik.
Паведамляецца, што мужчына сваю віну прызнаў, але адмовіўся даваць паказанні. Следства мяркуе, што забойствы Кулеш здзяйсняў з мэтай атрымання грошай і алкаголя. У судзе аб'явілі перапынак для вынясення рашэння па крымінальнай справе.
Фота: Fotolia
