Прапагандыст Прыдыбайла расплакаўся ад слоў Лукашэнкі

Прапагандыст расійскага RT Канстанцін Прыдыбайла падчас прэс-канферэнцыі Лукашэнкі, прысвечаную "выбарам", расказаў, што расплакаўся падчас прагляду па тэлевізары канцэрту-агіткі "Марафон адзінства".

Ён нагадаў, што тады ад Лукашэнкі прагучала фраза: "Вы будзеце будаваць краіну, нават можа без мяне", — гэтыя словы нібыта прымусілі прапагандыста расплакацца.

"Прызнаюся шчыра, напісаў усім сябрам, і гэта быў той момант, які мяне расчуліў", — сказаў Прыдыбайла.

"Марафон адзінства" — гэта перадвыбарчая агітацыйная кампанія ў падтрымку Аляксандра Лукашэнкі, у рамках якой беларускія артысты, прапагандысты, чыноўнікі і нават блогеры раз'язджаюць па ўсёй краіне і нахвальваюць беларускі рэжым.

Гледзячы на размах гэтага мерапрыемства і колькі на яго патрацілі грошай, не падобна, што ў бліжэйшыя пяць гадоў беларусы будуць будаваць краіну без Лукашэнкі.