“Пуцін, увядзі вірусолагаў!” — расійскія каналы распачалі атаку на Беларусь?
Метады супрацьстаяння пандэміі, якія абралі беларускія ўлады, не засталіся па-за ўвагай шматлікіх расійскіх тэлеграм-каналаў і нават федэральных СМІ. І калі б гэта была толькі абгрунтаваная крытыка. Час ад часу з’яўляюцца допісы, у якіх гучыць перакананасць у тым, што беларусы самі справіцца не здольныя і Расіі трэба будзе ім дапамагчы. Прычым размова ідзе не пра гуманітарную дапамогу медычнымі маскамі ці тэстамі для выяўлення каранавіруса.
Ці можна гаварыць, што расійскія і прарасійскія сайты ды тэлеграм-каналы распачалі інфармацыйную атаку на Беларусь? На каго скіраваныя матэрыялы, што там публікуюцца: на ўнутранага спажыўца ці на грамадзян Беларусі? Якая мэта ў гэтых допісаў і ці варта іх успрымаць як пагрозу?
На гэтыя ды іншыя пытанні ў жывым эфіры Еўрарадыё адказваюць дырэктар па даследаваннях цэнтра EAST Андрэй Елісееў і медыяэксперт Паўлюк Быкоўскі.
Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.
