Рэдкі выпадак: Пуцін глядзіць на экране выступ Лукашэнкі
З-за каранавіруса лідары краін Еўразійскага эканамічнага саюза 14 красавіка "сустрэліся" ў фармаце відэаканферэнцыі. Яны абмяркоўвалі не столькі COVID-19, колькі сітуацыю і перспектывы эканамічнага развіцця. Аляксандр Лукашэнка выступаў з дакладам першым. У Telegram з'явілася фота, як Уладзімір Пуцін глядзіць на экране выступ кіраўніка Беларусі.
Для прэзідэнта Расіі падобныя відэаканферэнцыі з тым жа ўрадам — звычайная справа. А вось Лукашэнка працягвае праводзіць нарады, як і раней, у Палацы Незалежнасці.
А на гэтым здымку бачым, як на экран глядзяць у Мінску / @pul_1
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
