Рэкламісту Аляксандру Васілевічу працягнулі тэрмін утрымання пад вартай
Рэкламісту Аляксандру Васілевічу працягнулі тэрмін утрымання пад вартай. Ён застаецца за кратамі ўжо амаль год. А з улікам наступных двух месяцаў правядзе ў СІЗА істотна больш за год.
Калі ўсё так пойдзе і далей, 14 верасня Васілевіч сустрэне ў турме свой другі запар дзень народзінаў. За час, пакуль рэкламіст знаходзіцца за кратамі, у яго нарадзілася дачка Уршуля.
Уладальніка рэкламнага агенцтва Vondel/ Hepta Аляксандра Васілевіча затрымалі 27 жніўня. Тады супрацоўнікі Дэпартамента фінансавых расследаванняў КДК прыйшлі з праверкамі ў Vondel/ Hepta і ў галерэю "Ў", якой валодаў Васілевіч. Акрамя таго, праверка з ДФР прыходзіла ў дзіджытал-агенцтва Red Graphic, якім валодае жонка рэкламіста Надзея Зелянкова.
