Аляксандр Лукашэнка вырашыў вылецець у Каракас
Ён вырашыў асабіста прыняць удзел у жалобных цырымоніях у сувязі са смерцю Уга Чавеса.
Пра гэта Еўрарадыё паведамілі ў прэс-службе кіраўніка дзяржавы. Нагадаем, раней паведамлялася, што беларускую дэлегацыю ўзначаляць Віктар Шэйман і Уладзімір Сямашка.
Паводле паведамлення прэс-службы, якое цытуе БЕЛТА, "гэта звязана з тым, што ў Уга Чавеса не было больш блізкіх і сяброўскіх адносін ні з адным з кіраўнікоў замежных дзяржаў, як з прэзідэнтам Беларусі. Дзякуючы сяброўству двух лідараў нашы краіны за адносна кароткі прамежак часу дасягнулі ўражлівых вынікаў у развіцці адносін ва ўсіх сферах".
Традыцыйны ўрачысты прыём з нагоды Дня жанчын ад імя кіраўніка беларускай дзяржавы вырашана перанесці на больш позні тэрмін.
Фота — Reuters
