БАТЭ згуляе з "Фенербахчэ" ў Гродне 14 лютага
Сталі вядомыя месцы і час правядзення двухраўндавай дуэлі барысаўскага БАТЭ і турэцкага "Фенербахчэ".
Нагадаем, што гэтыя футбольныя клубы сустрэнуцца ў 1/16 фіналу Лігі Еўропы. Першы матч адбудзецца 14 лютага ў Гродне, на стадыёне ЦСК "Нёман". Яго пачатак прызначаны на 21-ю гадзіну, піша "Прессбол".
Паядынак у адказ пройдзе 21 лютага ў Стамбуле, на стадыёне "Шукру Сараджаглу". Яго пачатак адбудзецца ў 23.05 паводле беларускага часу.
Фота — olympbet.com
