Бела-чырвона-белы “Захід 2012” (фота)

На фэст “Захід 2012” у вёску Радацічы пад Львовам прыехала блізу 200 беларусаў. У асноўным гэта фанаты “Крамбамбулі” ды “Ляписа Трубецкого”: гурт Лявона Вольскага выйшаў на сцэну ўвечары 17 жніўня, а каманда Сяргея Міхалка закрывае другі дзень фэста ўночы 18 жніўня.

Той-сёй з беларусаў кажа, што прыехаў усё ж на ўкраінскіх музыкаў: “Тінь сонця”, Atmasfera, “Тартак”, “Бумбокс”. Але ўсіх аб’ядноўвае адно: імкненне да бела-чырвона-белага. Адзін з першых беларускіх жыхароў намётавага мястэчка прыехаў у госці да ўкраінцаў і збіраўся жыць побач з імі. Але ён усё ж абазначае сваю прысутнасць бчб-сцягам. Праз пару гадзінаў навокал самі сабой вырастаюць намёты беларусаў, і ў выніку ўкраінцы вымушаныя крыху пасунуцца.