Беларусь не атрымае ўкраінскай электраэнэргіі прынамсі да 15 лютага
Іншых падрабязнасцяў наконт паставак канцэрн "Белэнэрга" не паведамляе.
Як нагадвае БелаПАН, 1 лютага ўкраінская кампанія "Усходэнэрга" прыпыніла пастаўкі электраэнергіі з тэхнічных прычынаў. Менавіта з гэтай кампаніяй Беларусь падпісала кантракт на 2012 год.
Меркавалася, што пастаўкі адновяцца 3 лютага, аднак гэты тэрмін быў перанесены спачатку на 6-га, потым — на 8-е, а яшчэ пазней — на 10 лютага. Ва ўкраінскай кампаніі спасылаюцца на моцныя маразы.
