Гродзенцам пра свабоду нагадалі Сімпсан, Каліноўскі і Скарына (фота)
На вуліцах Гродна з’явіліся трафарэтныя партрэты вядомых асобаў.
Сярод іх — выявы Яна Паўла Другога, Махатмы Гандзі і Гамэра Сімпсана. Сярод беларускіх персанажаў графіці можна пабачыць Кастуся Каліноўскага, Алаізу Пашкевіч (Цётку), Васіля Быкава і Францішка Скарыну. Пад кожным з партрэтаў — выказванні пра свабоду, праўду і Радзіму.
Акрамя таго, жыхары Гродна змаглі пабачыць трафарэтную выяву карціны Марка Шагала “Каханкі”.
Малюнкі з’явіліся пасля Новага года. Іх аўтар невядомы.
