Іудзеі пачынаюць святкаваць Песах
Васьмідзённае ўслаўленне вясны і свабоды пройдзе з 7 па 14 красавіка.
Пачынаецца свята па месяцовым календары з заходам сонца. Усе гэтыя дні забараняецца спажываць кваснае, то бок, прадукты з заквашанага цеста. Іудзейскі вернік абавязаны есці з мучных вырабаў толькі прэсныя аладкі — мацу.
Песах — найстаражытнейшае з габрэйскіх святаў. Яно звязана са станаўленнем габрэйскага народа як самастойнага этнасу з самабытнай культурай і рэлігіяй. Таму адна з назваў свята — “Час нашай свабоды”. Такім чынам згадваецца пра Выйсце габрэяў з Егіпту і знаходжанні Зямлі Абетаванай.
