Кантрольны пакет "Беларуськалія" могуць прадаць за 15 мільярдаў долараў
Купіць яго збіраецца кампанія расійскага бізнэсоўца Сулеймана Керымава "Нафта Масква".
Як піша "Комсомольская правда в Беларуси", расійская кампанія хоча купіць 50% + 1 акцыю "Беларуськалія". Пры гэтым у цэлым "Беларуськалій" ацэньваецца ў 30 мільярдаў долараў.
Нагадаем, што мільярдэр Керымаў вядзе перамовы пра куплю "Беларуськалія" з сярэдзіны 2010 года. Па звестках расійскіх СМІ, тады расійскі алігарх за 51% прапанаваў 7,5 мільярдаў даляраў. Беларускае прадпрыемства ўваходзіць у тройку найбуйнейшых у свеце вытворцаў калія.
