На вёску Юрыя Чыжа "Трайпл" вылучыць 15 мільёнаў долараў
Гэтыя грошы прызначаныя на будаўніцтва этнаграфічнага турыстычнага комплексу.
Як паведамлялася раней, комплекс "Наш родны кут Сабалі" запланаваны ў Бярозаўскім раёне Брэстчыны.
Як паведамляе БелаПАН, праект разлічаны да 2015 года. Турыстычны комплекс будзе стварацца з нуля і ўключыць этнаграфічны музей, лыжаролерную трасу, ферму буйной рагатай скаціны, гатэль, рэстаран, аўтастаянку ды іншыя аб'екты. Як чакаецца, этнаграфічная вёска прыцягне і беларускіх, і замежных турыстаў.
Нагадаем, стварэнне комплексу рэгламентуецца ўказам Аляксандра Лукашэнкі. Сабалі — родная вёска бізнэсоўца Юрыя Чыжа, які кіруе холдынгавай кампаніяй "Трайпл".
Фота — onliner.by
