Нацбанк абяцае ўстрымацца ад змены курса валюты яшчэ 20-30 дзён
Нацбанк Беларусі да паступлення дзяржкрэдыту ад Расіі не будзе прымаць якіх-небудзь рашэнняў у вобласці курсавой валютнай і грашова-крэдытнай палітыкі.
Пра гэта паведаміў карэспандэнту БЕЛТА крыніца ў Нацыянальным банку.
"Упраўленне Нацыянальнага банка прыняло рашэнне часова, на тэрмін 20-30 дзён, да паступлення дзяржкрэдыту ад Расіі, устрымацца ад прыняцця якіх-небудзь рашэнняў у вобласці курсавой валютнай і грашова-крэдытнай палітыкі", - сказаў ён.
У Нацбанку таксама падкрэслілі, што прынятыя раней меры з'яўляюцца доўгачасовымі і вычарпальнымі.
