Паміж Мінскам і Масквой зноў пачынаецца "авіявайна"?
Беларусь скараціла колькасць расійскіх авіярэйсаў у Мінск. Скарачэнне праведзенае ў аднабаковым парадку.
Міністэрства траспарту Расіі выказала здзіўленне гэтымі дзеяннямі Беларусі, паведамляе interfax.by. Расійскія авіятары нагадваюць, што 29 сакавіка на перамовах у Маскве дамовіліся аб праграме палётаў да 10 траўня. У прыватнасці, на перамовах пагадзіліся, што авіякампаніі Беларусі і Расіі могуць рабіць 5 рэйсаў у дзень на маршруце Масква-Мінск-Масква. Цяпер жа Беларусь скараціла колькасць штодзённых рэйсаў.
Расійскі бок прапанаваў авіяцыйным уладам Беларусі неадкладна правесці сустрэчу і працягнуць перамовы.
Фота — minsk-old-new.com
