У Беларусь зноў забаранілі ўезд праваабаронцам з Расіі і Украіны
Праваабаронцаў з Нарвежскага хельсінскага камітэту апоўначы 15 чэрвеня затрымалі ў мінскім аэрапорце.
Расіянка Іна Сангажыева і ўкраінка Вольга Шамшур ляцелі з Франкфурта ў Мінск па асабістых справах, паведамляе сайт "Вясна". Аднак памежнікі знайшлі іх прозвішчы ў спісе непажаданых для ўезду ў краіну асобаў. У пашпарты праваабаронцам былі пастаўленыя пячаткі “Уезд забаронены”.
Гэтай жа ноччу Сангажыеву і Шамшур пад канвоем адправілі на зваротныя рэйсы ў Франкфурт і Вену.
