У вагонах мінскага метро хутка з’явяцца відэакамеры
Пра гэта ў аўторак паведаміў начальнік сталічнага метрапалітэна Расціслаў Юрэня.
Юрэня: "Калі ў вагонах мы паставім дадаткова па 4 камеры, то ўяўляеце, колькі камер будзе патрэбна для 337 вагонаў?! Каб за імі усачыць, патрэбнае стварэнне асобнага сітуацыйнага цэнтра. У бліжэйшы час будзем над гэтым працаваць”.
Акрамя таго, у мінскім метро з’явяцца кнопкі экстранага выкліку міліцыі і лакалізатары выбуху, куды будуць змяшчацца невядомыя прадметы. Таксама будзе створана служба аховы метро. Яна будзе працаваць разам з прадстаўнікамі міліцыі.
Таксама ў аўторак Расціслаў Юрэня паведаміў, што праезд у метро пакуль што даражэць не будзе.
Фота — bymedia.net
