Украіна будзе захоўваць адкіды АЭС у Чарнобыльскай зоне
Там пабудуюць цэнтралізаванае сховішча для адпрацаванага ядзернага паліва ад украінскіх АЭС.
Адпаведны закон прыняла Вярхоўная Рада Украіны. Як паведамляе РБК, аб'ект будзе размешчаны паміж вёскамі Старая Красніца, Буракоўка, Чыстагалоўка і Стэчанка Кіеўскай вобласці.
Пакуль што Украіна вывозіць адпрацаванае ядзернае паліва трох з чатырох АЭС на перапрацоўку ў Расію. Толькі Запарожская станцыя мае ўласнае сховішча. Будаўніцтва ўласнага сховішча дазволіць краіне эканоміць штогод амаль 100 млн долараў.
