Зачыняецца адзін з найбуйнейшых у свеце паштовых сэрвісаў
Амерыканская кампанія Microsoft абвясціла аб закрыцці Hotmail.com.
На змену яму прыходзіць сэрвіс Outlook.com, куды прапануецца перайсці ўсім карыстальнікам старой пошты, інфармуе ВВС. Сярод пераваг новага паштовага сэрвісу, між іншым, называюць магчымасць пасылаць "цяжкія" лісты, у якіх за раз можа змясціцца некалькі сотняў фотаздымкаў.
Паводле ацэнак кампаніі ComScore, самай папулярнай поштай у свеце цяпер з'яўляецца Gmail, якая налічвае 306 мільёнаў карыстальнікаў. Hotmail.com канкурэнцыі не вытрымала.
